Ferske vårrulla med kylling
Fyll
300g kyllingfilet
Salat
Agurk
Mango
Vårrløk
Glasnudlar
Koriander
1 pk rispapir for ferske vårrullar
Forslag til saus og tilbehør
Sweet Chili saus
Østerssaus
Hoisinsaus
Soyasaus
Nøtter
Dette er ein veldig enkel rett som sjølvsagt kan varierast med fyll. Kyllingen kan til dømes byttast ut med reker eller noko anna godt. Dette er ein rett som også egnar seg godt som forrett, men vi har det stort sett som middag.
Her i huset et vi retten på same måte som taco, vi sett alle ingrediensane på bordet og lagar rullar etterkvar. Vårrullane kan sjølvsagt også lagast alle på førehand, og det er ikkje noko problem å servere dei kalde.
- Kutt opp kyllingen i små strimlar
- Steik kyllingen i litt olje, krydre med salt og peppar
- Kok opp ein kjele med vatn, når vatnet kokar, ha i glasnudlane og skru av varmen. La trekke til nuddlane er ferdig
- Kutt opp alle grønsakene i stavar
- Hakk opp frisk koriander
- Varm opp ei steikepanne med varmt vatn
- Legg rispapiret i steikepanna i ca 15 sec, til det er mjukt. Ta opp rispapiret og tørk av ved å legge det på ein kjøkkenhandduk.
- Ha i fyllet og brett saman til ein vårrull
